2
بسم الله الرحمن الرحيم
هذا الموضوع إن شاء الله سيكون عن كيفيه تقسيم الهارد ديسك
- - - - - - - - - - - - - - - - - - - - - - - -
وسوف نستخدم برنامج ال Partation Majic للتقسيم
وهذا الموضوع يعتبر جزء من مميزات كثيره لهذا البرنامج
نبدأ الشرح
هذه هى الشاشه الأفتتاحيه للبرنامج نجد فيها الهاردات الموصله بالجهاز وأيضا نجد البارتيشنات الموجوده بكل واحد
فمثلا هنا تم توصيل هاردين
وقد أعطاهم البرنامج اسمين وهما Disk1 و Disk2
كما يظهر فى الصوره
***********************
لنتفق ان شغلنا سيكون على Disk2 فقط وهو أحد الهاردات الموصله بالجهاز
***********************
سوف نبدأ إن شاء الله بحذف البارتيشنات الموجوده فى الهارد لكى نعيده الى الحاله الأصليه له وهو غير مقسم
سوف نقم بحذف كل بارتيشن على حده كالتالى
R.Click على البارتيشن وبعدين نختار Delete
سوف تظهر الشاشه التاليه بعد اختيار Delete وهى عباره عن اختيار أحد أنواع الحذف الموجوده فسنقوم بإختيار Delete ثم نضغط على Ok
لاحظ التغيير الذى حدث على شكل البارتيشن بعد حذفه
فقد تحول لونه كما بالصوره وتحول العنوان الى Unallocated ومعناها ان هذا البارتيشن غير مهيأ للعمل على الويندوز أو الدوس حتى
إذا فهذا البارتيشن أصبح غير موجود وهى مساحه تعتبر حتى الان غير مستغله فى الهارد
نقوم بحذف جميه البارتيشنات الموجوده بالهارد واحد تلو الاخر
طيب ليه انا مش حذفت البارتيشن الأول فى الصوره دى
شوف الخطوه اللى جايه وانت تعرف
الأول لاحظ إنك لو حذفت البارتيشن الأول علطول هيكون بالشكل ده
وهيكون كده الهارد بتاعك إتقسم نصفين وانت مش عارف طبعا تخليهم جزء واحد علشان تبدأ تشتغل
الأول نعرف ليه مش بقوا مع بعض وهنعرف ازاى نخليهم يتجعوا مع بعض
لاحظ إن حضرتك هتلاقى فى خصائص كل بارتيشن مكتوب نوعه إما Priamary وإما Logical
طيب وايه معناهم إن شاء الله
هنضرب مثال إن شاء الله يفهمكم معناه الاول هنشبه ال Primary ده بالسيد و ال Logical بالتابع أو الوزير بتاع السيد ده
لو فى مثلا واحد مسؤال جايلهم زياره وهو نظام التشغيل ( Win98 , WinXp , Win Me,........ ) هيروح يسلم على مين الأول ؟
طبعا هيروح للسيد Primary
وده لو مش موجود هيكون مفيش مكان للمسؤل ده إنو يدخل
يعنى من الاخر
لازم وانت بتقسم الهارد تعمل بارتيشن فيه سيد Primary لإن أول نظام تشغيل هتنزلو على الهارد هينزل عليه وبعدين هتكمل بقيت البارتيشنات Logical زى مانت عاوز
والمطلوب مننا نعمل ايه ؟
المطلوب من حضرتك الأول انك تحول البارتيشن السيد ده الى تابع علشان يبقى زى بقيت البارتيشنات
Convert From Primary To Logical
تابع الصوره الجايه وانت تعرف ازاى
هنعمل R.Click على البارتيشن ال Primary وبعدين ندوس على Convert
هتجيلك الرساله دى
طبعا هتختار Logical Partation وبعدين OK
بعد ما تحول البارتيشن إن شاء الله هتشيلو Delete زى ما شيلنا اللى قبل كده عن طريق
R.Click ثم إختيار Delete ثم نضغط على Ok
هتلاقى كلها بقت درايف واحد
والمطلوب دلوقتى إننا نقوم بإنشاء الدرايفات الجديده
(_.·`¯) M (¯`·._) ( ملحوظه ) (_.·`¯) N (¯`·._)
هذه الحاله هى الحاله الاصليه للهارد
يعنى انت لو جايب هارد جديد مش هتعمل الخطوات اللى قبل كده وهتبدأ من هنا
ودلوقتى هنعمل البارتيشنات الجديده إن شاء الله
هندوس R.Click على البارتيشن اللى هو Unallocated وهندوس على Create زى ما موجود فى الصوره
الأول زى ما قولنا لازم يكون فى برتيشن Primary وهنا هنخليه الأول
علشان السرعه
زى الصوره هنختار Primary
ودى أهم شىء
وبعدين هنحدد مساحه البارتيشن وإسمو زى ما فى الصوره
ملحوظه : الجيجا = تقريبا 1024 ميجا
والعداد بتاع المساحه هنا بالميجا ( خد بالك )
متنساش تحدد تقسيمه البارتيشن زى ما فى الصوره الجايه من حيث نوع نظام الملفات: Fat, Fat32 , ........
ايه بقا الحاجات دى Fat ايه وبتاع ايه
انا هقوللك الفرق وبناءا عليه انت هتختار
إقرا اللى جاى ده وإن شاء الله هتفهم الفرق
لما تحب تخزن حاجه على أى جهاز، و ده مش بيستلزم معدات فقط لتشغيلها بل يتطلب ايضاً بعض البرامج لتنظيم عملها ، و هذا ما يطلق عليه ( نظام الملفات Filing System ) ، نظام الملفات هو اسلوب يستخدمه نظام التشغيل لتحديد كيفية استخدام البيانات الموجوده على الاقراص الصلبه ، و يختلف هذا الاسلوب من نظام تشغيل لاخر الا ان هناك بعض الاساليب الثابتة التى تستخدمها معظم انظمة التشغيل الشهيرة.
و من اشهر انظمة الملفات واللى موجوده فى البرنامج FAT , FAT32 , NTFS و لا يشترط أن يستخدم القرص الصلب واحد فقط من هذه الأنواع .
نظام الـ FAT و هو اختصار لـ ( File Allocation Table ) كان من اوائل الاساليب التى ظهرت ، و كان يستخدم بواسطة نظام التشغيل DOS ، لتنظيم قراءة و تسجيل البيانات على الاقراص الصلبة ، و الذى كان من اهم مظاهره ان يقيد اسماء الملفات بما لا يزيد عن 8 حروف وده بيظهر على جميع أنظمه ويندوس والدوس كمان.
نظام الـ FAT32 و هو اختصار لـ ( File Allocation Table 32bit ) و يستخدم للتحكم فى عملية القراءة و التسجيل ، و كذلك دعمه للاسماء الطويلة ، بالاضافة الى اعتماد على نظام ملفات ذو 32 بايت و الذى من شأنه تصغير حجم ( العنقود Cluster ) فى الاقراص كبيرة الحجم , كما يمكنه تشغيل الاقراص حتى 2 تيرا بايت وده كمان بيظهر على الويندوز وكمان .
نظام الـ NTFS و هو اختصار لـ ( New Technology Filing System ) ، و الذى بدء ظهورة مع اصدارة Windows NT , و الذى من شأنه توفير مزيد من الامن و الدقة فى التعامل مع الملفات ، و يدعم NT ايضاً نظام FAT و لكن مع عدم توفير امكانيات السرية.
وأنا أفضل النوع FAT32 وده اللى هشتغل بيه إن شاء الله
هنقسم طبعا الباقى بنفس الطريقه
هنفترض انو التقسيمه بقت كده
هو خلاص كده ولا ايه
؟ ؟ ؟ ؟
لأ طبعا
اضل اننا نقوم بحفظ اللى احنا عملناه
هندوس على Apply اللى موجوده تحت على الشمال فى البرنامج
زى ما فى الصوره
وبعدين هندوس على Yes علشان نطبق اللى احنا عملناه
فى الخطوه دى البرنامج بيقوم بتطبيق اللى احنا عملناه ودى بتاخد وقت بس مش كتير يعنى
مبروك عليك تقسيمه الهارد
وانا بقا ربنا معايا
[color="#ff6600"]سلام وانا مستنى الأسئله وكمان رأيكم
تم تعديل هذه المشاركة بواسطة asb: 30 January 2012 - 11:43 PM
